महोत्तरी , २१ माघ //
महोत्तरीमा भ्यानको ठक्करबाट एक साइकल यात्रीको मृत्यु भएको छ ।
मृत्यु हुनेमा सम्सी गाउँपालिका वडा नम्बर ४ गैँढाभेटपुरका ४० वर्षीय वीरेन्द्र राउत बरई रहेका छन्।
गएराति महोत्तरीको सोनमा गाउँपालिका वडा नम्बर ३ हुलाकी सडकखण्डको सम्सीबाट रघुनाथपुर जाँदै गरेको ज१च ११६४ नम्बरको पिकअपले सोनमा ३ स्थित सडकमा सोही विपरीत दिशाबाट आइरोको साइकललाई ठक्कर दिएको थियो ।
भ्यानको ठक्करबाट गम्भीर घाइते भएका राउतलाई उपचारका लागि जिल्ला अस्पताल लैजाँदै गर्दा बाटोमै मृत्यु भएको प्रहरीले जनाएको छ ।
घटना पश्चात् पिकअपको चालक फरार रहेकोले खोजी भइरहेको जिल्ला प्रहरी कार्यालय महोत्तरीले जानकारी दिएको छ।
