रौतहट १६ फागुन / चन्द्रपुर ९ नजरपुरमा रहेको श्री कृष्ण प्रणामी मन्दिरमा धर्म महोत्सव एवं ५७ औं बार्षिकोत्सव आज सोमवार देखि सुरु भएको छ ।
आयोजक समितिका सचिव हरि प्रसाद देवकोटाले फागुन १६ देखि २० गते सम्म पञ्चदिवसिय रुपमा कार्यक्रम संचालन हुने जानकारी दिए ।
उनले सो धार्मिक कार्यक्रममा देशका विभिन्न स्थान तथा भारतबाट श्री कृष्ण प्रणामी धर्मावलम्बीहरु आउने बताए ।
सो धर्म उत्सव कार्यक्रममा सन्त गुरुजन, अध्यत्मिक प्रवक्ता, धर्म प्रचारक, गायक, कलाकारहरुको उपस्थीतिमा बिभिन्न धार्मीक, संस्कृतिक कार्यक्रमहरु संचालन गरिने आयोजक समितिले जनाएको छ ।
श्री कृष्ण प्रणामी मन्दिर नजरपुरले प्रत्यक बर्ष धार्मिक एंव आध्यात्मिक मोक्ष प्राप्त गर्ने कार्यक्रमहरु संचालन गर्ने गरेको छ ।
