सिरहा , ३ फागुन //
सिरहाको गोलबजारबाट अवैध लागुऔषध गाँजासहित तीनजनालाई प्रहरीले पक्राउ गरेको छ।
पक्राउ पर्नेहरुमा गोलबजार नगरपालिका वडा नं.१ बस्ने ३६ वर्षीय युवराज सिंह ठकुरी, वडा नं. २ बस्ने २१ वर्षीय शत्रुधन साह र महेशपुरपतार गाउँपालिका वडा नं. १ बस्ने ३२ वर्षीय दिपु साह रहेका छन् ।
गाँजा बिक्री बितरण गरिरहेको गोप्य सूचनाको आधारमा सोमबार जिल्ला प्रहरी कार्यालय सिरहा र ईलाका प्रहरी कार्यालय गोलबजारबाट खटेको संयुक्त प्रहरी टोलीले युवराजको घरमा खानतलासी गर्दा २८ किलो गाँजा, गाँजा जोख्ने तराजु, प्रदेश नं २–०१–००३ प. ५२१७ र स.५प.१०२० नं.को मोटरसाइकल बरामद गरेको सिरहाका प्रहरी प्रवक्ता सुवास बुढाथोकीले जानकारी दिए ।
पक्राउ परेका उनीहरुमाथि थप अनुसन्धान भइरहेको जिल्ला प्रहरी कार्यालय सिरहाले जानकारी दिएको छ ।
