महोत्तरी , १२ फागुन //
महोत्तरीबाट स्रोत नखुलेको ९ लाख बढी रकमसहित एक भारतीय नागरिकलाई प्रहरीले पक्राउ गरेको छ।
पक्राउ पर्नेमा भारतको सितामढी जिल्ला सिसिैयाँ ग्राम पञ्चायत १४ का ३० वर्षीय दीपक कुमार चौधरी रहेका छन्।
बुधबार साँझ मनरासिस्वा नगरपालिका २ कट्टीमा सवारी चेकजाँच गर्ने क्रममा बीआर ३० एडी ८३४६ नम्बरको मोटरसाइकल रोकी जांच गर्दा मोटरसाइकल सवार चौधरीका साथबाट स्रोत नखुलेको ९ लाख ५० हजार नेपाली रुपैयाँ बरामद भएको महोत्तरी प्रहरीले जनाएको छ।
निजले टिसर्ट भित्र कम्मरको भागमा वाँधी बोकेको कपडाको थैली भित्र लुकाएर ल्याउँदै गरेको अवस्थामा उनलाई पक्राउ गरेको महोत्तरीका प्रहरी प्रवक्ता प्रकाश विष्टले जानकारी दिए।
पक्राउ परेका उनीमाथि यसबारे थप अनुसनधान भइरहेको उनले बताए।
