सर्लाही , ३ फागुन //
सर्लाहीमा सोमबारदेखि ई–पासपोर्ट वितरण सूरु गरिएको छ ।
जिल्ला प्रशासन कार्यालय मलंगवाले सेवाग्राहीहरुलाई इ–पासपोर्ट (विद्युतीय राहदानी) वितरण सुरु गरेको हो ।
कार्यालयले एक महिना भन्दा अघिदेखि इ–पासपोर्टका लागि सेवाग्राहीहरुको फर्म भर्ने र अन्य आवश्यक कागजात संकलन गर्ने काम थालेको थियो।
राहदानी विभाग काठमाडौंबाट पहिलो पटक १५६ जना सेवाग्राहीको इ–पासपोर्ट छापिएर आएपछि सोमबारबाट वितरण सुरु गरेको हो ।
प्रमुख जिल्ला अधिकारी थानेश्वर गौतमले सोमबार तीन जना सेवाग्राहीलाई इ–पासपोर्ट प्रदान गरी पासपोर्ट वितरण कार्यको शुभारम्भ गरेका थिए ।
इ–पासपोर्ट छापिएर आएका अन्य सेवाग्राहीहरुले पनि कार्यालयमा आएर आ–आफ्नो पासपोर्ट लिएर जान सक्ने प्रजिअ गौतमले जानकारी दिए ।
आवेदन पेश भएको १५ दिनभित्र सेवाग्राहीहरुलाई इ–पासपोर्ट वितरण उपलब्ध गराईने उनले बताए।
