सर्लाहीको एक क्रसर उद्योगमा आगलागी , लाखौँको क्षति

सर्लाही , १३ फागुन //
सर्लाहीको हरिपुरस्थित एक क्रसर उद्योगमा आगलागी भएको छ।

सर्लाहीको हरिपुर नगरपालिका वडा नम्बर ८ ठूलो जगतपुरस्थित सिटी विनायक एग्रिगेट क्रसर उद्योगमा विद्युत् सर्ट आगलागी भएको हो।

आगलागीबाट अलकत्रा मिसाउने मेसिन जलेर २० लाख बराबरको क्षति भएको जिल्ला प्रहरी कार्यालयका प्रहरी निरीक्षक कृष्ण गिरीले जानकारी दिए ।

प्रहरी र स्थानीयको सहयोगमा आगो नियन्त्रणमा लिएपछि थप क्षति हुनबाट जोगिएको उनले बताए।