मैत्रीपुर्ण खेलमा निजगढ फुटबल क्लबको महिला टिम बिजयी

निजगढ,११ फाल्गुण । निजगढमा जारी नगरस्तरियप पुरुष फुटबल प्रतियोगिता अन्तर्गत बुधबार सम्पन्न मैत्रीपुर्ण महिला फुटबल खेलमा निजगढ फुटबल क्लब बिजयी भएकोछ । निजगढ फुटबल क्लवले निजगढ सिटि क्लबलाई २-० गोल अन्तरले पराजित गरेकोहो । निजगढ सिटि माथी शुरूवात देखि नै दबाबमा राखेको खेलमा दुवै गोल पहिलो हाफमा भएकोथियो । खेलको १८ औ मिनेटमा एलिजा उप्रेतीले गोल गर्दै निजगढ फुटबल क्लवलाई अग्रता दिलाएकिथिईन । तेसैगरी २४ औ मिनेटमा सरिता घिमिरेले निजगढको अग्रता दोब्बर पारिन । निजगढ फुटबल क्लवले गोलकोलागी थुप्रै प्रहार गरेपनी थप गोल हुनसकेन र निजगढले खेल २-० ले जित्यो । खेलको उत्कृष्ट खेलाडी निजगढ फुटबल क्लबकि मेरि लामा भईन । खेलमा प्राप्त थुप्रै अवशरलाई सदुपयोग गर्न नसक्दा फराकिलो जित निकाल्नबाट चुकेको निजगढ फुटबल क्लवका प्रशिक्षक सन्तोष गुरुङले बताउनुभयो । प्रशिक्षक गुरुङले खेलाडीहरुको खेल्ने शैलिमा स्तरोन्नति भएको बताउदै आगामी खेलहरुमा टिमले राम्रो गर्ने बताउनुभयो ।