महोत्तरी , १३ फागुन //
महोत्तरीबाट प्रतिबन्धित लागूऔषधसहित दुई युवकलाई प्रहरीले पक्राउ गरेको छ । पक्राउ पर्नेहरुमा जिल्लाको गौशाला नगरपालिका ८ बस्ने २० वर्षीय विवेक कार्की र वडा नं. ९ बस्ने २३ वर्षीय राकेश साह रहेका छन् ।
कार्कीको ज्याकेटको गोजीबाट लुकाई छिपाई राखेको प्रतिवन्धित नाईट्राभेट ट्याब्लेट १४ पिस, स्पास्मो प्रो.ट्याब्लेट ८ पिस र साहको गोजीमा रहेको नाईट्रोभेट ट्याब्लेट खुल्ला २ पिस र स्पास्मो प्रो.ट्याब्लेट ३ पिस बरामद भएको प्रहरीले जनाएको छ ।
बुधबारको साँझ साढे ७ बजेको समयमा औरही नगरपालिका वडा नं .४ स्थित अस्थायी प्रहरी पोस्ट कठुधारबाट खटेको प्रहरी टोलीले शंकाको आधामा चेकजाँच गर्दा पैदल यात्री दुबैजना लागूऔषधसहित पक्राउ परेका हुन् ।
पक्राउ परेका उनीहरुमाथि थप अनुसन्धान भइरहेको महोत्तरी प्रहरीले जनाएको छ।
