रौतहट , २३ माघ //
महानगरीय प्रहरीले प्रतिबन्धित लागूऔषधसहित रौतहटका एकजनालाई पक्राउ गरेको छ।
पक्राउ पर्नेमा रौतहटको ईशनाथ नगरपालिका वडा नम्बर ९ घर भएका २१ वर्षीय संजय कुमार महतो रहेका छन्।
रौतहटको गौरबाट काठमाडौँ पुगेको ना.७ ख ४७४९ नम्बरको बसमा काठमाडौं पुगेका महतोलाई शनिवार नागढुंगा चेक प्वाइन्टबाट नियन्त्रणमा लिएको काठमाडौंका प्रवक्ता (एसपी) दिनेशराज मैनालीले जानकारी दिए ।
महतोको साथबाट ६ सय एम्पुल डाइजेपाम, ६ सय एम्पुल फेनारगन र ६ सय एम्पुल नुर्फिन बरामद गरिएको उनले बताए।
पक्राउ परेका उनीमाथि लागूऔषध बारे आवश्यक अनुसन्धान भइरहेको महानगरीय प्रहरीले जानकारी दिएको छ।
