बारा , ३ फागुन //
बाराको निजगढमा तिलगंगा आँखा अस्पताल काठमाडौंले आफ्नो सेवा विस्तार गरेको छ ।
सो अस्पतालले मधेस प्रदेशमा पहिलो पटक निजगढबाट सेवा विस्तार गरेको हो ।
नेपाल आँखा कार्यक्रमका अध्यक्ष सुहृद घिमिरे र निजगढका नगरप्रमुख सुरेश कुमार खनालले सोमबार संयुक्त रुपमा अस्पतालको भवन शिल्यान्यास तथा सेवा केन्द्रको उद्घाटन गरेका हुन् ।
विशेषज्ञ चिकित्सकले निजगढ सामुदायिक अस्पतालको भवनबाट सेवा दिन थालेका छन् ।
२०७५ सालमा नै सम्झौता भए तापनि कोभिडका कारण अस्पतालको सेवा तथा भवन निर्माण कार्यमा ढिला भएको थियो ।
करिब २९ करोड रुपैयाँको लागतमा सो अस्पताल निर्माण हुन लागेको छ। अस्पतालले निजगढमा अस्पताल बनेपश्चात छिमेकी जिल्लाहरुलाई समेत उपचारमा सहजता हुने अपेक्षा राखेको छ ।
