पर्सा , २४ माघ //
पर्सामा ट्याक्टर र मोटरसाइकल आपसमा ठोक्किदाँ २ जनाको मृत्यु भएको छ।
मृत्यु हुनेमा भवानीपुर बस्ने २७ वर्षीया विद्यादेवी थरुनी र उनकी ३ वर्षीया छोरी आन्या कुमारी रहेका छन्।
आइतबार राति जीराभवानी गाँउपालिका वडा नम्बर ४ भवानीपुरमा ना.४ त ८१३६ नम्बरको ट्याक्टरले बा ५५ प ६५२८ नम्बरको मोटरसाइकललाई ठक्कर दिँदा मोटरसाइकलमा सवार बालिकाको मृत्यु भएको थियो ,भने आमा गम्भीर घाइते भएकी थिइन् ।
गम्भीर घाइते भएकी आमा विद्यादेवीको वीरगन्जस्थित नेशन मेडिकल कलेजमा उपचारका क्रममा आइतबार गएराति नै मृत्यु भएको प्रहरीले जनाएको छ ।
यस्तै, दुर्घटनामा मोटरसाइकल चालक मृतक विद्यादेवीका पति अनिल महत्तो सामान्य घाइते भएका छन् ।
ठक्कर दिने ट्याक्टरका चालक पर्साकै जगरनाथपुर गाउँपालिका वडा नम्बर २ निवासी ५० वर्षीय सुरेन्द्रराम चमारलाई नियन्त्रणमा लिई दुर्घटनाबारे आवश्यक अनुसन्धान गरिरहेको जिल्ला प्रहरी कार्यालय पर्साले जानकारी दिए।
