सप्तरी , ३ फागुन //
सप्तरीमा ट्याक्टर दुर्घटना हुँदा एक जनाको मृत्यु भएको छ भने सहित दुई जना घाइते भएका छन् ।
मृत्यु हुनेमा जिल्लाको छिन्नमस्ता गाउँपालिका वडा नम्बर ३ का २७ वर्षीय सन्तोष सदा रहेका छन्।
डाक्नेश्वरी नगरपालिका ९ मा गएराति साढे ९ बजेको समयमा रड लोड गरिएको स१त ६१०८ नम्बरको ट्याक्टर अनियन्त्रित भई दुर्घटना हुँदा सदा घम्बिर घाइते भएका थिए । घाइते सदालाई उपचारको लागि राजविराजस्थित गजेन्द्रनारायण सिंह अस्पताल लगिएको र उपचारको क्रममा मृत्यु भएको प्रहरीले जनाएको छ ।
सोही दुर्घटनामा घाइते भएका छिन्नमस्ता गाउँपालिका वडा न.–३ कै २९ वर्षीय श्रीप्रसाद मण्डल र १८ वर्षीय युवराज सदाको राजविराजस्थित गजेन्द्रनारायण सिंह अस्पतालमा उपचार भइरहेको तथा दुर्घटनाबारे थप अनुसन्धान भइरहेको सप्तरी प्रहरीले जानकारी दिएको छ ।
