धनुषा ,३ फागुन //
धनुषाबाट चोरीको मोटरसाइकलसहित दुईजनालाई प्रहरीले पक्राउ गरेको छ।
पक्राउ पर्नेहरुमा जनकपुरधाम उपमहानगरपालिका १९ मुसहरी टोल बस्ने २० वर्षीय सुमित मेस्तर र वडा नं. ४ बस्ने १९ वर्षीय सुजित कुमार महतो रहेका छन् ।
मेस्तर माघ २८ गते रातीको समयमा स्थानीय एक निर्माणधीन घरबाट मोटरसाइकल, पानी तान्ने मोटर र कल समेत चोरी गरी फरार भएका थिए ।उनलाई ज.१२ प. ०६ नम्बरको मोटरसाइकलसहित पक्राउ गरेको प्रहरीले जनाएको छ।
प्रहरीका अनुसार महतोले माघ २८ गते दिउँसो जनकपुर उप(महानगरपालिका ४ स्थित जिल्ला प्रशासन कार्यालय धनुषाको कार्यालय अगाडीबाट ज ८ प ६२२ नम्बरको मोटरसाईकल चोरी गरेर भाग्दै गरेको अवस्थामा पक्राउ परेका हुन् ।
दुबैजनामाथि चोरी सम्बन्धी मुद्दामा म्याद थप गरी थप अनुसन्धान गरिरहेको धनुषाका प्रहरी प्रवक्ता जितेन्द्र बस्नेतले जानकारी दिए ।
