सप्तरी , २० माघ //
प्रतिबन्धित लागुऔषध डाइजेपामसहित काठमाडौंको नागढुंगास्थित चेकप्वाइन्टबाट सप्तरीको एक जनालाई प्रहरीले पक्राउ गरेको छ ।
पक्राउ पर्नेमा सप्तरीको शम्भुनाथ नगरपालिका वडा नम्बर–७ घर भएका ४६ वर्षीय शिव चरण दास रहेको प्रहरीले जनाएको छ।
बुधबार धरानबाट काठमाडौं आउँदै गरेको ना.७ ख ३२५५ नम्बरको बसमा सवार दासको साथबाट प्रहरीले ३४० एम्पुल डाइजेपाम, सोही परिमाणको नुर्फिन र फेनारगन बरामद गरेको महानगरीय प्रहरी परिसर काठमाडौंका एसपी दिनेशराज मैनालीले बताए ।
दासलाई लागु औषध नियन्त्रण ऐन–२०३३ अनुसारको कसुरमा थानकोट प्रहरीले अनुसन्धान गरिरहेको उनले जानकारी दिए ।
