सप्तरी , ४ माघ //
सप्तरीमा कोरोना संक्रमणबाट एकजना महिलाको मृत्यु भएको छ।
मृत्यु हुनेमा जिल्लाको रूपनी गाउँपालिका वडा नं. १ की ७५ वर्षीया महिला रहेकी छिन। माघ १ गते ज्वरो आएपछि उनलाई राजविराजस्थित गजेन्द्रनारायण सिंह अस्पतालमा भर्ना गरिएको थियो ।
जिल्ला जनस्वास्थ्य कार्यालयका निमित्त प्रमुख दुनियाँलाल यादवका अनुसार पीसीआर परीक्षणका लागि २ गते स्वाब लिइएपछि ३ गते रिपोर्ट पोजेटिभ आएकै दिन उपचारको क्रममा मृत्यु भएको हो ।
महिलाले भ्याक्सिन लिएपनि लामो समयदेखि सुगर रोगबाट पीडित भएर इन्सुलिन लिँदै आएको निमित्त प्रमुख यादवले बताए
