रौतहट , १९ पुष //
बढ्दै गएको चिसो तथा शीतलहरका कारण जिल्लाको वृन्दावन नगरपालिका क्षत्रका विद्यालय बन्द गर्न निर्देशन दिएको छ ।
बिहीबार परेको वर्षाको कारण चिसो बढ्दै गएपछि वृन्दावन नगरपालिकाले विद्यालय बन्द गर्न निर्देशन दिएको हो ।
वृन्दावन नगरपालिकाले यसै साताको वर्षाका कारण जाडो बढ्दै गएको बताउदै एक साताको लागि आफ्नो क्षेत्रको सामुदायिक तथा संस्थागत विद्यालयमा पठनपाठन बन्द गर्न निर्देशन दिएको हो ।
विद्यालय आउने बालबालिकामा चिसोको कारण समस्या बढिरहेकाले पठनपाठनमा कठिनाई हुँदै गएकाले नगरपालिकाले एक हप्ता विद्यालय बन्द गर्ने निर्णय गरेको प्रमुख प्रशासकीय अधिकृत नागेन्द्र यादवले बताए ।
चिसोबाट बालबालिकामा हुने स्वास्थ्य जोखिमबाट बच्न सात दिनका लागि विद्यालयमा पठनपाठन बन्द गराइएको प्रमुख प्रशासकिय अधिकृत यादवको भनाई छ ।
