सिरहा , २ माघ //
सिरहाबाट पेस्तोलसहित एक जनालाई प्रहरीले पक्राउ गरेको छ ।
पक्राउ पर्नेमा जिल्लाको गोलबजार नगरपालिका ६ डोहटीया घर भएका २७ वर्षीय पंकज कुमार महता रहेका छन्।
घरमा पेस्तोल लुकाईछिपाई राखेको गोप्य सूचनाका आधारमा इलाका प्रहरी कार्यालय गोलबजारबाट खटिएको टोलीले महतोको घरमा तलासी गर्दा लुकाएर राखेको म्यागजिन नभएको एकथान पेस्तोल बरामद गरिएको सिरहा प्रहरीले जानकारी दिएको छ।
अवैध रुपमा घरमा पेस्तोल राखेको आरोपमा उनलाई शनिबार साँझ नै नियन्त्रणमा लिई उनीमाथि थप अनुसन्धान भइरहेको जिल्ला प्रहरी कार्यालय सिरहाका प्रहरी प्रवक्ता डिएसपी सुवास बुढाथोकीले जानकारी दिए ।
