महोत्तरी , ३ माघ //
महोत्तरीबाट स्रोत नखुलेको ३० लाख रुपैयाँसहित एक जनालाई प्रहरीले पक्राउ गरेको छ । पक्राउ पर्नेमा महोत्तरीको मटिहानी नगरपालिका ३ का २३ वर्षीय सहाउदिन राइन रहेका छन्।
उनलाई सोही नगरपालिका ८ बाट स्रोत नखुलेको ३० लाख रुपैयाँसहित नियन्त्रणमा लिएको प्रहरीले जानकारी दिएको छ।
भारतबाट नेपाल आउँदै गरेको ज६प ६९४४ नम्बरको मोटरसाइकलमा सवारी उनलाई रोकी जाँच गर्ने क्रममा १ हजार दरको ३० बण्डलमा रहेको नगद सहित उनलाई आइतबार साँझ पक्राउ गरिएको महोत्तरी प्रहरीले जनाएको छ।
नगदसहित पक्राउ परेका उनलाई राजश्व अनुसन्धान कार्यालय पथलैया पठाइएको इलाका प्रहरी कार्यालय महोत्तरीले जानकारी दिएको छ ।
