मुकेश कुमार साह,रौतहट ८ माघ । रौतहटको चन्द्रपुरमा यु आर गोल्ड प्रिमियम मसला चियाले निशुल्क चिया वितरण गरेको छ । बढ्दै गएको जाडोसंगै चियाको प्रचार प्रसार गर्ने उदेश्यका साथ चिया क्याम्पेनको आयोजना गरि निशुल्क चिया बितरण गरिएको हो । रौतहटको चपुरबाट शुरु गरिएको चिया क्याम्पेन देशका बिभिन्न स्थानमा गरिने सञ्चालक उमेश चौलागाईले जानकारी दिनुभयो ।
बगानबाटै टिपिएको ताजा एवं उत्कृष्ट चिया र असली मसलाहरुको मिश्रण गरी तयार पारेको यो मसला चिया उच्च गुणस्तरीय र स्वास्थ्यवर्धक रहेको संचालक चौलागाईको भनाई छ । मसला चियामा अदुवा, सुकुमेल, ल्वाङ, दालचिनी र मरिच जस्ता रोग प्रतिरोधी क्षमता बढाउने तथा मानव स्वास्थ्यका लागि अत्यन्तै हितकारी मसलाहरुको समिश्रण रहेको उहाले बताउनुभयो ।
उक्त चियापतीको मुनाफाको केहि रकम अनाथ बालबालिकाको शिक्षामा खर्च गर्ने योजनाका साथ यु आर गोल्ड प्रिमियम मसला चिया यतिबेला प्रचार प्रसारका लागी देश दौडामा छ । चपुर चोकमा आयोजित निशुल्क चिया वितरण कार्यक्रममा सयौ सहभागिता रहेको थियो ।
