महोत्तरी , १८ पुष //
महोत्तरीमा मोटरसाइल अनियन्त्रित भई दुर्घटना हुँदा एकजनाको मृत्यु भएको छ ।
मृत्यु हुनेमा सर्लाहीको ईश्वरपुर नगरपालिका वडा नं. ४ भक्तिपुर निवासी ४८ वर्षीय भुवनप्रसाद उपाध्याय रहेका छन्।
शनिबार दिउँसो करिब ३ बजेको समयमा बर्दिवास नगरपालिका वडा नं. ४ मा पूर्व–पश्चिम राजमार्गमा माइस्थान चोक स्थित पूर्वबाट पश्चिमतर्फ जाँदै गरेको ज ६ प ८३४२ नम्बरको मोटरसाइकल आफै अनियन्त्रित भई दुर्घटना भएको थियो ।
दुर्घटनापश्चात घाइतेलाई बर्दिबासस्थित शुभ–स्वस्तिक अस्पतालमा ल्याइएपनि चिकित्सकले मृत घोषणा गरेको प्रहरीले जनाएको छ ।
