बारा , १९ पुष //
बारा प्रहरीले भन्सार छलीका ५ सय किलो माछासहित पिकअप गाडी नियन्त्रणमा लिएको छ ।
भन्सार छलेर अवैध रुपमा भारतबाट नेपाल ल्याउँदै गरेको अवस्थामा जिल्ला प्रहरी कार्यालय बाराबाट खटिएको गस्ति टोलीले ३७ हजार ५ सय रुपैयाँ मूल्य बराबरको ५ सय किलो माछा बरामद गरेको बताइएको छ।
माछा ओसार्न प्रयोग गरिएको बा. ४ च ६०९१ नम्बरको पिकअप गाडीसमेत नियन्त्रण्मा लिएको जिल्ला प्रहरी कार्यालय बाराले जानकारी दिएको छ ।
माछासहित ७ लाख रुपैयाँ मूल्यांकन गरिएको पिकअप गाडीलाई आवश्यक अनुसन्धानका लागि वीरगञ्ज भन्सार कार्यालयमा बुझाइएको प्रहरीले जानकारी दिएको छ ।
