पर्सा , ११ माघ //
प्रतिबन्धित लागूऔषधसहित पर्सा प्रहरीले एक युवकलाई पक्राउ गरेको छ ।
पक्राउ पर्नेमा बारा जिल्ला कलैया उपमहानगरपालिका वडा नम्बर १३ बलिरामपुर निवासी ३७ वर्षीय निरज कुमार महतो रहेका छन् ।
सोमबार दिउँसो विशेष सूचनाको आधारमा जिल्ला प्रहरी कार्यालय पर्साबाट खटेको टोलीले भारतबाट नेपाल आइरहेको महतोलाई वीरगञ्ज महानगरपालिका वडा नम्बर २५ सिर्सियाबाट नियन्त्रणमा लिएको पर्साका प्रहरी प्रवक्ता ओम प्रकाश खनालले जानकारी दिए।
उनका अनुसार महतोको साथबाट प्रतिबन्धित लागुऔषध नुफ्रिन ८० एम्पुल, डाइजीपाम ८० एम्पुल र फेनारगण ८० एम्पुल गरी जम्मा २४० एम्पुल बरामद भएको हो।
पक्राउ परेका महतोलाई लागूऔषध सम्बन्धी कसूरमा अनुसन्धान अगाडि बढाइएको डिएसपी खनालले बताए ।
