रौतहट , ३० पुष //
रौतहटबाट प्रतिबन्धित लागु औषधसहित एक युवकलाई प्रहरीले पक्राउ गरेको छ ।
पक्राउ पर्नेमा चन्द्रपुर नपा ५ थलही टोलका २० बर्षिय सुमन विक रहेका छन्।
इलाका प्रहरी कार्यालय चन्द्रपुरबाट खटिएको नियमित गस्ती टोलीले विहिवार दिउसो थलही टोल स्थित भित्री बाटोमा हिडिरहेको अवस्थामा शंकाको आधारमा चेकजाँच गर्दा उनको साथबाट डाइजेल्याव इन्जेक्सन आइपी २ एमएलको ३८ थान, बुपरेनोफिन इन्जेक्सन आईपी २ एमलको ३६ थान, आरएक्स प्रोमेथराजिन हाइड्रोक्लोराइड इन्जेक्सन आइपी फेनेरगन २ एमएलको ३९ थान, नाइट्राभेट १० ट्याब्लेट ३२ थान बरामद भएको प्रहरीले जनाएको छ।
पक्राउ परेका विकलाई लागु औषध ओसार पसार ऐन तर्फ जिल्ला अदालतबाट म्याद लिई आवश्यक अनुसन्धान भईरहेको इलाका प्रहरी कार्यालय चन्द्रपुरले जानकारी दिएको छ।
