महोत्तरी , १ माघ //
महोत्तरीबाट प्रतिबन्धित लागुऔषधसहित एकजनालाई प्रहरीले पक्राउ गरेको छ। पक्राउ पर्नेमा बर्दिबास–१२ का राकेश महतो रहेका छन्।
औरही नगरपालिका कठुधारबाट खटिएको प्रहरीले सिमावर्ती क्षेत्र सम्सीबाट गौशालातर्फ जाँदै गरेको ग१ख ७४९७ नम्बरको यात्रुवाहक बस चेकजाँच गर्नेक्रममा उनलाई नियन्त्रणमा लिएको महोत्तरीका प्रहरी प्रवक्ता प्रकाश विष्टले जानकारी दिए। महतोको साथबाट ३० पिस नाइट्रोभेट ट्याब्लेट बरामद गरिएको उनले बताए।
पक्राउ परेका महतोलाई जिल्ला अदालत महोत्तरीबाट पाँच दिनको म्याद थपी इलाका प्रहरी कार्यालय गौशाला हिरासतमा राखेर अनुसन्धान थालिएको प्रहरीले जानकारी दिएको छ।
