महोत्तरी , १९ पुष //
महोत्तरीबाट पेस्तोल र लागुऔषधसहित एक जनालाई सशस्त्र प्रहरी पक्राउ गरेको छ ।
पक्राउ पर्नेमा जिल्लाको लोहरपट्टी नगरपालिका बस्ने २४ वर्षीय मोहम्मद राजा कवाडी रहेका छन्।
आइतबार साँझ लोहरपट्टी ९ पिपराडी ईलाकाबाट उनलाई अमेरिकन पेस्तोल र नाईट्रोभेट १० पिससहित पक्राउ गरिएको महोत्तरीका प्रमुख प्रहरी नायब महानिरीक्षक गणेश ठाडामगरले जानकारी दिए।
सशस्त्र प्रहरी बल खुट्टा पिपराडी बेसको सशस्त्र प्रहरी नायब निरीक्षक निलहरी दहाल नेतृत्वको कमाण्डमा खटिएको टोलीले उनलाई हिरासतमा लिएको हो ।
पक्राउ परेको उनीमाथि आवश्यक अनुसन्धानका लागि नेपाल प्रहरीलाई बुझाइएको सशस्त्र प्रहरीले जानकारी दिएको छ।
