बारा , १३ माघ //
बारामा जीपको ठक्करबाट मोटरसाइकलमा सवार दुईजनाको मृत्यु भएको छ ।
मृत्यु हुनेमा कलैया उपमहानगरपालिका ५ का ४० वर्षीय नरेश साह र ५५ वर्षीय शीतल साह रहेका छन्।
बुधबार राति करिब साढे ८ बजेको समयमा कलैयाबाट विरगंज जाँदै गरेको बी आर ०५ एआर ५१५१ नम्बरको भारतीय स्कारपियोले विपरीत दिशाबाट आउँदै गरेको ना ८प ८८६३ नम्बरको मोटरसाइकललाई ठक्कर दिंदा दुवैजना घाइते भएको प्रहरीले जनाएको छ।
उनीहरूलाई उपचारका लागि वीरगन्जस्थित नारायणी अस्पतालमा लगिएको थियो। त्यहाँ उपचार सम्भव नभएपछी थप उपचारको लागि नेशनल मेडिकल कलेज ल्याइएपनि उनको उपचारको क्रममा साढे १० बजे मृत्यु भएको बाराका प्रहरी प्रवक्ता राजेश थापाले जानकारी दिए ।
फरार जीप चालकको खोजी भइरहेको तथा घटना सम्बन्धमा थप अनुसन्धान भइरहेको जिल्ला प्रहरी कार्यालय बाराले जनाएको छ ।
