पर्सा , २० पुष //
चिसो बढ्दै गएपछि वीरगञ्जमा न्यानो कम्बल बितरण गरिएको छ ।
वीरगञ्ज महानगरपालिका वडा नम्बर १६ ईनर्वामा ३ सय ५० थान न्यानो कम्बल वितरण गरिएको हो।
सामुदायिक सेवा केन्द्र तथा सामुदायिक प्रहरी सेवा केन्द्र छपकैया २ ले वडा नम्बर १६ स्थित नेपाल राष्ट्रिय आधारभुत माद्यामिक विद्यालयको प्रांगणमा मंगलवार एक औपचारिक कार्यक्रमका बिच कम्बल बितरण गरेको हो।
केन्द्रका अध्यक्ष हाजी ग्यासुदिन ठकुराईको अध्यक्षतामा समुदाय प्रहरी साझेदारी कार्यक्रम अन्तर्गत युवा समाजसेवी महेबुब अली (सेरु) को सहयोगमा अति विपन्न, गरिब एवम् असहायहरुलाई कम्बल वितरण गरिएको हो ।
कार्यक्रममा चण्डी प्रसाद गणका गणपति प्रमुख सेनानि मनोज कार्की, सशस्त्र प्रहरी बल १३ नं. हेड–क्वाटर पर्साका प्रमुख सशस्त्र प्रहरी उपरीक्षक राजेन्द्र खड्का, डा.समिर अहमद, जिल्ला प्रहरी कार्यालय पर्साका प्रहरी नायब उपरीक्षक प्रहलाद कार्की सामुदायिक सेवा केन्द्र छपकैयाका पदाधिकारि लगायतको उपस्थिती रहेको थियो ।
