सर्लाही , १८ पुष //
सर्लाहीको ईश्वरपुरमा मोटरसाइकल दुर्घटना हुँदा तीन जनाको मृत्यु भएको छ ।
मृत्यु हुनेमा ईश्वरपुर नगरपालिका १० दशबिगाहाका २२ वर्षीय अरुण सिंह, सोही उमेरका रोहन सिंह र २० वर्षीय श्रगम बिक रहेका छन्।
शनिबार राति ईश्वरपुर नगरपालिका ३ बयलवास भक्तिपुर सडक खण्ड स्थित सागरनाथ जंगलमा सागरनाथबाट बयलवासतर्फ जाँदै गरेको बा.१९प.७१९७ नम्बरको मोटरसाइकल अनियन्त्रित भई दुर्घटना हुँदा तिनै जनाको घटनास्थलमै मृत्यु भएको जिल्ला प्रहरी कार्यालय सर्लाहीको प्रहरी प्रवक्ता माधवप्रसाद बुढाथोकीले जानकारी दिएका छन्।
उनका अनुसार मोटरसाइकल अचानक अनियन्त्रीत भई सपेताको रुखमा ठोक्किएर सडकबाट १० मिटर तल खसेर दुर्घटना भएको हो ।
मृतक तीनै जनाको शव पोष्टमार्टमका लागि जिल्ला अस्पताल मलगंवा पठाइएको र घटनाबारे अनुसन्धान भइरहेको सर्लाही प्रहरीले जनाएको छ ।
ईश्वरपुरमा मोटरसाइकल दुर्घटना हुँदा तीन जनाको मृत्यु
