महाेत्तरी , २३ मंसिर //
महाेत्तरीमा आफ्नै सासूकाे हत्या गरेकाे अभियोगमा एक जनालाई प्रहरीले पक्राउ गरेको छ।
पक्राउ पर्नेमा मटीहानी नगरपालिका-७ बस्ने ३५ वर्षीया तेत्री देवी खत्वे रहेकी छिन्।
उनलाई आफ्नै सासु ६० वर्षीया जगतारन देवीको हत्या गरेको अभियोगमा नियन्त्रणमा लिएको प्रहरीले जनाएको छ।
जगतारन र तेत्रीबीच घरायसी विवादको कारण झैझगडा हुँदा तेत्रीले कुटपिट गर्दा जगतारनको मृत्यु भएको भन्ने खबर प्राप्त हुनासाथ जिल्ला प्रहरी कार्यालय महोत्तरी र प्रहरी चौकी मटीहानीबाट खटिएको प्रहरीले तेत्रीलाई पक्राउ गरेको हो ।
घटना सम्बन्धमा प्रहरीले थप अनुसन्धान भैरहेको प्रहरीले जनाएको छ ।
