पर्सा , १८ मङ्सिर //
१९ औँ वार्षिकोत्सवको अवसरमा रेडियो वीरगञ्जले बृहत रक्तदान कार्यक्रमको आयोजना गरेको छ । वीरगञ्जको मुर्ली बगैचास्थित रेडियोको परिसरमा रेडियोले कार्यक्रमको आयोजना गरेको हो ।
रेडियोका कार्यकारी अध्यक्ष ध्रुब साहका अनुसार हरेक वर्ष जस्तै यस वर्ष पनि रेडियोले २० औँ वर्षमा प्रवेश गरेको अवसरमा रक्तदान कार्यक्रमको आयोजना गरिएको हो।
अध्यक्ष साहको अध्यक्षतामा भएको कार्यक्रममा पर्सा क्षेत्र नम्बर १ का प्रतिनीधि सभा सदस्य प्रदिप यादव, जिल्ला प्रशासन कार्यालय पर्साका प्रमुख जिल्ला अधिकारी उमेश कुमार ढकाल, जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेत लगायत अहिलेसम्म १ सय ६० भन्दा बढीले रक्तदान गरेको रक्तसञ्चार केन्द्र वीरगञ्जका प्रमुख सौरभराज पाण्डेले जानकारी दिएका छन्।
