रौतहट २० मंसिर /मोटरसाइकलको ठक्करबाट गम्भीर घाईते भएका किशोरको उपचारको क्रममा गएराति काठमाडौमा मृत्यु भएको छ ।
रौतहटको दुर्गा भगवती गाउँपालिका ३ घर भएका १६ बर्षिय सन्तकुमार झालाई संस्कृत माध्यमिक विद्यालय मत्सरी नजिक नम्वर खुल्न नसकेको मोटरसाइकलले शनिवार दिउसो ३ बजेको ठक्कर दिदा गम्भीर घाईते भएका थिए ।
टाउकोमा गम्भीर चोट लागेपछि झालाई स्थानीय बागमती हेल्थ केयर गंगापिपरामा सामान्य उपचार पछि थप उपचारको लागि काठमाडौ लगिएको थियो ।
काठमाडौमा उपचारको क्रममा शनिवार राति १ बजे मृत्यु भएको पिडित परिवारले जनाएको छ ।
ठक्कर दिने सनराइज बैंक दुर्गा भगवती शाखामा कार्यरत सुरक्षागार्ड गंगापिपराका रविन्द्र साहले रहेको प्रहरीले जनाएको थियो । किशोरको मृत्यु भएपछि नियन्त्रणमा लिन जाँदा उनी भग्न सफल भएको प्रहरीले जनाएको छ । सिसिटिभी फुटेजको आधारमा ठक्कर दिने व्यक्तिको पहिचान गरिएपछि प्रहरीले नियन्त्रणमा लिने प्रयास नगर्दा उनी बैकबाट हाम फालेर भागेको बताइएको छ ।
दोषि लाई पक्राउ गर्नुपर्ने माग राख्दै मृतकका आफन्त , स्थानियले पिपरा गौर सडक खण्डमा धर्ना दिदै नारावाजी गरेका थिए ।
सोमवार बिहान करीव ४ घण्टा स्थानियले घर्ना दिएका थिए । उचित क्षेतिपुर्ती, दोषि माथी कडा कार्वाहि तथा दोषि लाई तत्काल पक्राउ नगर्ने प्रहरी माथी बिभागिय कार्वाही गर्ने सहमती भएपछि आन्दोलन टुङ्गिएको थियो ।
मोटरसाइकल ले ठक्कर दिदा किशोर को मृत्यू, पिडित पक्ष द्वारा आन्दोलन
