रौतहट , ७ पुष //
रौतहटमा आगलागीमा परि घाइते भएका बालकको मृत्यु भएको छ।
मंगलबार फतुवा विजयपुर नगरपालिका वडा नं १ बैरगनिया टोलमा रामविश्वास राय यादवले आफ्नै खेतमा काटेर थुपारी राखेको धानमा आगलागी हुँदा आगोमा परि घाइते भएका जोकुराय यादवको २ बर्षिय छोरा रोहित साहको उपचारको क्रममा मृत्यु भएको हो।
उनको टिचिङ अस्पताल काठमान्डौमा उपचारको क्रममा मृत्यु भएको इलाका प्रहरी कार्यालय विजयपुरका इन्स्पेक्टर बिष्णु विश्वकर्माले बताएका छन्।
आगोले पोलेर जोकुराय यादवको छोरी आराध्या कुमारी यादव को मंगलबार घटनास्थलमै मृत्यु भएको थियो। थुपारी राखेको धानमा आगो लागेर मदन यादवको घरमा समेत आगलागी भएको छ।
वारुण यन्त्र, सुरक्षाकर्मी र स्थानीयहरुको प्रयासमा आगो पुर्ण रुपमा नियन्त्रणमा आएको प्रहरीले जनाएको छ ।
आगलागी बाट मदन यादवको घर पुर्ण नष्ट हुदा दुई लाख बराबरको क्षति भएको छ र ९५ हजार बराबरको १ विगाह खेतको धान नष्ट भएको जिल्ला प्रहरी कार्यालय गौर रौतहटले जानकारी दिएको छ ।
