रौतहट , २१ मंसिर //
रौतहटमा गएराती एक युवकको मृत्यु भएको छ ।
चन्दपुर नगरपालिका वडा नम्बर १ मंगलपुर का २८ वर्षीय गोपाल थिङ्ग को घरको झ्यालमा प्रयोग गर्ने सिसाले काटेको अवस्थामा शव फेला परेको छ ।
उन लाई हत्या गरेको आशंकामा तीन जनालाई इलाका प्रहरी कार्यालय चन्द्रनिगाहपुरले पक्राउ गरेको छ ।
३५ वर्षीय रबिन्द्र थिङ्ग, उनकै माइजू नाता पर्ने ४२ वर्षीय बुद्धिमाया पाख्रिन, र काठमाडौं घर भई ८/९ दिन अगाडी आफन्त भेट्न आएका निजको मामा नाता पर्ने ३९ वर्षीय आशिष पाख्रिन लाइ नियन्त्रणमा लिएर अनुशन्धान भैरेको प्रहरीले जनाएको छ।
उनीहरूले मादक पदार्थ सेवन गरी बेलुका बिवाद गरेको र कुटपिट गर्दा घरको झ्यालमा प्रयोग गर्ने सिसाले काटेर मृत्यु भएको हुन सक्न प्रहरीको प्रारम्भिक अनुसन्धानमा खुलेको छ ।
घटनाको बिषयमा थप अनुसन्धान भइरहेको इलाका प्रहरी कार्यालय चन्द्रनिगाहपुरका प्रहरी निरीक्षक अरविन्द कुमार साहले बताएका छन्।
