रौतहट, १ पुष //
रौतहटको परोहा नगरपालिका-८ नरकटियाबाट ६९ हजार ५ सय नक्कली नेपाली रुपैयाँ सहित २ जनालाई प्रहरीले पक्राउ गरेको छ।
पक्राउ पर्नेमा भारत बिहार मोतिहारी घर भएका २६ वर्षीय बिकाश जयसवाल र सोही ठाउँ बस्ने ३२ वर्षीय अजय प्रसाद रहेका छन्।
बुधवार दिउँसो प्रहरी चौकी मोतिपुर नरकटियाबाट खटिएको प्रहरीले बीआर ०५ के ३६३६ नम्बरको मोटरसाइकललाई जाँच गर्ने क्रममा उक्त नक्कली रुपैयाँ बरामद भएको प्रहरीले जनाएको छ।
यस सम्बन्धमा थप अनुसन्धान भैरहेको रौतहट प्रहरीले जानकारी दिएको छ ।
रौतहटबाट नक्कली नेपाली रुपैयाँ सहित २ जना पक्राउ
