धनुषा , १५ मंसिर //
धनुषामा आज बिहान मोटरसाइकल दुर्घटना हुँदा एकजनाको मृत्यु भएको छ ।
मृत्यु हुनेमा कमला नगरपालिका ३ लगमाका २३ वर्षीय विजय मोरबैता यादव रहेका छन्।
जनकपुर–ढल्केबर सडक खण्डअन्तर्गत धनुषाको महेन्द्रनगरमा काठमाडौँबाट घर फर्किने क्रममा ज १२ प ५२२५ नम्वरको मोटरसाइकल अनियन्त्रित भई दुर्घटना भएको प्रहरीले जनाएको छ।
दुर्घटनामा गम्भीर घाइते भएका उनलाई तत्काल उद्धार गरी उपचारका लागि जनकपुरस्थित प्रादेशिक अस्पताल ल्याउने क्रममा बाटोमै मृत्यु भएको जिल्ला प्रहरी कार्यालयले धनुषाले जानकारी दिएको छ ।
