वीरगञ्ज , २ पुष //
वीरगञ्जमा रोकि राखेको स्कुल बसमा आगलागी भएको छ।
वीरगञ्ज महानगरपालिका वडा नम्बर १३ स्थित नेपाल आयल निगमको कार्यालय अगाडी रोखि राखेको बसमा आगलागी भएपछि आशंका उत्पन्न भएको छ ।
रोकेर राखिएको गाडी आफै जलेको होकी जलाइएको हो भन्ने आशंका उब्जिएको प्रहरीले जनाएको छ ।
गोल्डेन गेट एकेडेमीको ना.२ क ३७५ नम्बरको स्कुल बसमा विद्युत तार सर्ट भएर आगलागी भएको हुन सक्ने अनुमान गरिएको छ।
बस बिग्रिएपछि अब बनाएर खर्च गर्नुभन्दा बिमाकै रकम भएपनि पाईन्छ कि भन्ने लोभमा आफै आगो लगाएको हुन प्रहरीको आशंका छ ।
बसमा लागेको आगोलाई वीरगञ्ज महानगरपालिकाको बारुण यन्त्र, प्रहरी तथा स्थानीयको सहयोगमा नियन्त्रणमा लिइएको पर्साका प्रहरी प्रवक्ता ओमप्रकाश खनालले जानकारी दिए ।
बसमा आगो कसरी लाग्यो भन्ने सम्बन्धमा आवश्यक अनुसन्धान भईरहेको उनले बताएका छन् ।
