धनुषा , २ पुष //
धनुषामा बस र मोटरसाइकल एकापसमा ठोक्किँदा एकजनाको मृत्यु भएको छ ।
मृत्यु हुनेमा मोटरसाइकल चालक उदयपुरको कटारी नगरपालिका वडा नं. ७ का २७ वर्षिय विकास विश्वकर्मा रहेका छन्।
बिहिवार जिल्लाको मिथिला नगरपालिका वडा नं. १० लालगढस्थित पूर्व–पश्चिम लोकमार्गमा नेपालगञ्जतर्फ जाँदै गरेको बा ६ प २५५९ नम्बरको बस र विपरित दिशाबाट आउँदै गरेको बा ५९ प ६८८९ नम्बरको मोटरसाइकल एकापसमा ठोकिएको इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले जानकारी दिए ।
दुर्घटनामा विश्वकर्माको घटना स्थलमै मृत्यु भएको प्रहरीले जनाएको छ ।
बस र बसचालक प्रहरी नियन्त्रणमा रहेको र घटना सम्बन्धमा थप अनुसन्धान भइरहेको इलाका प्रहरी कार्यालय ढल्केवरले जनाएको छ ।
