महोत्तरी , १५ मङ्सिर
महोत्तरीबाट प्रतिबन्धित लागूऔषधसहित १३ वर्षीय बालकलाई प्रहरीले पक्राउ गरेको छ ।
पक्राउ पर्नेमा सिन्धुली कमलामाई नगरपालिका ६ का १३ वर्षीय शनि नेपाली रहेका छन्।
सवारी चेकजाँच गर्ने क्रममा भारतीय सीमानाका सम्सीबाट गौशाला बजारतर्फ जादैँ गरेको टेम्पु (रिक्सा)लाई रोकी चेक गर्दा उनको साथबाट ४ पत्ता नाइट्रोभेट (६० पिस) र दुई पत्ता स्पास्मो प्रोक्सिभन (१६ पिस) ट्याब्लेट बरामद भएको महोत्तरीका प्रहरी प्रवक्ता प्रकाश विष्टले जानकारी दिएका छन् ।
पक्राउ परेको बालकमाथि यसबारे अनुसन्धान भइरहेके जिल्ला प्रहरी कार्यालय महोत्तरीले जनाएको छ ।
