सप्तरी , ६ पुष //
सप्तरीमा पोखरीमा माछालाई चारो हाल्न गएका पुरुषको डुबेर मृत्यु भएको छ ।
मृत्यु हुनेमा अग्निसाईर कृष्ण सवरण गाउँपालिका वडा नं. २ ईटहर्वाका ५२ वर्षीय बाबु नन्द चौधरी रहेका छन्।
सोमबार साँझ करिब ५ बजे आफ्नो निजी पोखरीमा माछालाई चारो हाल्न गएका चौधरी घर नफर्केपछि परिवारजनहरुले सोही दिन देखि खोज्दै गर्दा आज विहान करिब साढे ८ बजे उनको चप्पल पोखरीको डिलमा फेला परेको थियो ।
चप्पल फेला परेपछि स्थानियहरुले पोखरीको पानीमा जाल लगाई खोजतलास गर्दा चौधरीको शव फेला परेको खबर स्थानियले प्रहरीलाई दिएको जिल्ला प्रहरी कार्यालय सप्तरीका प्रहरी प्रवक्ता माधव प्रसाद काफ्लेले जानकारी दिए ।
शवको कानुन बमोजिम मुचुल्का गरी पोस्टमार्टम भएपश्चात थप अनुसन्धान थालेको जिल्ला प्रहरी कार्यालय सप्तरीले जानकारी दिएको छ ।
