रौतहट , १३ पुष //
रौतहटको गौर नगरपालिकाले जेष्ठ नागरिक सम्मान अभियान शुरु गरेको छ ।
नगर प्रमुख अजय कुमार गुप्ताले ७० बर्ष उमेर भन्दा माथिका बृद्ध बृद्धालाइ सम्मान गर्ने उदेश्यले सो अभियानको शुरु गरेको हो ।
नगर प्रमुख गुप्ताले सन्तानले आफ्नो बुवा आमालाइ बृद्ध अवस्थामा सम्मान गरोस भन्ने लक्ष्य लिएर अभियान शुरु गरेको बताए ।
गौर नगरपालिका वडा नम्बर ८ पुरेनवामा सोमवार आयोजित जेष्ठ नागरिक सम्मान कार्यक्रममा सम्वोधन गर्दै नगर प्रमुख गुप्ताले नगरपालिका भरिका जेष्ठ नागरिकलाइ सम्मान गर्ने कार्यक्रम रहेको र सो अभियान हिजो देखि शुरु भएको बताए ।
उनले बृद्धा अवस्थामा रहेका अभिभावकलाइ अपमान नगरी सम्मान गर्नु पर्ने संदेश यो अभियानले दिने प्रस्ट पारे ।
करिव २ हजार भन्दा बढी संख्या रहेको जेष्ठ नागरिक महिला पुरुषलाइ कम्बल , होर्लिक्स , टर्च , दोसल्ला प्रदान गर्ने निर्धारण गरिएको उल्लेख गर्दै जेष्ठ नागरिकलाइ चिसोबाट जोगिनको लागि न्यानो कपडा दिएर सम्मान गरिएको थियो ।
