मुकेश कुमार साह, रौतहट ८ पुस । रौतहटमा लागुऔषध गाजा सहित ३ जना महिला पक्राउ परेका छन्। पक्राउ पर्नेमा चितवन कालिका न.पा. वडा नं.११ शक्तिखोर बस्ने अस्मिता प्रर्जा, रेशमा प्रजा र मनमती चेपाङ रहेकी छन् ।
गरुडा न.पा.वडा नं.४ मेथुरचोक स्थित सडक खण्डमा चेकजाँचको क्रममा १० किलो गाँजा सहित उनीहरु पक्राउ परेकी हुन् । चन्द्रपुरबाट गौरतर्फ जानको लागी आएको ना.१ ह.५७५५ नं.को टेम्पु रोकी चेकजाँच गर्दा उक्त टेम्पुको सिटमा बसी लुकाएर लागिरहेको अवस्थामा प्रहरीले पक्राउ गरेको हो ।
पक्राउ परेका तिनै जना माथि थप अनुसन्धान भईरहेको इलाका प्रहरी कार्यलय गरुडाका प्रहरी नायव निरीक्षक सुरेन्द्र कुमार सिंहले जानकारी दिए ।
