धनुषा , १ पुष //
धनुषाको क्षीरेश्वरनाथमा रहेको एक किराना पसलमा आगलागी हुँदा लाखौँको क्षति भएको छ ।
क्षीरेश्वरनाथ नगरपालिका वडा नं. ५, महेन्द्रनगरस्थित सन्दिप चौधरीले सञ्चालन गरेको सप्तरङ्ग किराना पसलमा गएराती आगलागी हुँदा पसलको सम्पूर्ण समान जलेर नष्ट भएको इलाका प्रहरी कार्यालय महेन्द्रनगरले जनाएको छ।
आगलागीबाट पसलमा भएका खाद्यान्न, मसला, तेललगायत किरानाका समान गरी करिब १४ लाख मूल्य बराबरको क्षति भएको महेन्द्रनगरका प्रहरी निरीक्षक बेचन यादवले बताए ।
आगो स्थानीयवासी र दमकलको सहयोगमा नियन्त्रणमा लिएको थियो ।
आगलागी हुनुको ठोस कारण खुल्न नसके पनि विद्युत सर्ट तथा पूजा गर्न बालिएको धुपबाट आगलागी भएको हुनसक्ने अनुमान गरिएको छ ।
