रौतहट , १७ मंसिर //
कक्षा १२ कोे परीक्षाको नतिजा आज प्रकाशित भएको छ ।
शुक्रबार राष्ट्रिय परीक्षा बोर्डको बैठक बसेर नतिजा सार्वजनिक गरिएको बोर्डका प्रवक्ता कृष्णप्रसाद शर्माले जानकारी दिएका छन्।
कक्षा १२ को परीक्षा गत भदौ ३० देखि असोज ८ गतेसम्म सञ्चालन भएको थियो । प्रवक्ता शर्माले मुलुकभरबाट तीन लाख ७५ हजार १५ जना परीक्षार्थी सहभागी भएको बताए।
३ लाख ७४ हजार १५ परीक्षार्थीमध्ये ७ हजार ३६ जनाले ए प्लस ग्रेड ल्याएका छन् । ४८ हजार २ सय ३९ जनाले ए ग्रेड ल्याएका छन् ।
त्यस्तै बी प्लस ल्याउनेमा ७० हजार १ जना परीक्षार्थी छन् । बी ग्रेड ल्याउनेमा ९९ हजार ५ सय ३७ छन् । ७५ हजार ८८ जना परीक्षार्थीले सी प्लस ग्रेड ल्याएका छन् । सी ल्याउनेमा २४ हजार ५ सय १५ जना छन् ।
डी प्लस ल्याउनेमा ३ हजार ८ सय ७५ परीक्षार्थी छन् भने डी प्लस ल्याउनेमा २ सय ९६ जना छन् । १० हजार ७३ परीक्षार्थीले इ ल्याएका छन् ।
गत वैशाखमै गरिनुपर्ने कक्षा १२ को परीक्षा कोरोना महामारीका कारण असोजमा सञ्चालन गरिएको थियो।
