रौतहट ६ पुस /आगलगीमा परी रौतहटमा ३ बर्षीया बालिकाको मृत्यु भएको छ भने दुई बर्षिय बालक गम्भीर घाईते भएको छ ।
रौतहटको फतुवा विजयपुर नगरपालिका वडा नं १ बैरगनिया टोलका मदन रायकोको घर छेउमा सोही टोलका रामविश्वास राय यादवले आफ्नै खेतमा काटेर थुपारी राखेको धानमा आगलागी भएको हो ।
आगोले पोलेर जोकुराय यादवको छोरी आराध्या कुमारी यादव को ज्यान गएको छ भने संजिव साहको २ बर्षिय छोरा रोहित साह घाइते भएका छन । थुपारी राखेको धानमा आगो लागेर मदन यादवको घरमा समेत आगलागि भएको भएको छ।
वारुण यन्त्र, सुरक्षाकर्मी र स्थानीयहरुको प्रयासमा आगो पुर्ण रुपमा नियन्त्रणमा आएको प्रहरीले जनाएको छ ।
आगलागी बाट मदन यादवको घर पुर्ण नष्ट हुदा दुई लाख बराबरको क्षति भएको छ र ९५ हजार बराबरको १ विगाह खेतको धान नष्ट भएको जिल्ला प्रहरी कार्यालय गौर रौतहटले जानकारी दिएको छ ।
आगलागीमा परेर बालिकाको ज्यान गयो , बालक घाइते
