पर्सा , १४ पुष //
पर्सा प्रहरीले ८ वर्षिय बालकलाई अपहरण गर्न खोजेको आरोपमा १ युवकलाई पक्राउ गरेको छ ।
पक्राउ पर्नेमा वीरगञ्ज महानगरपालिका वडा नम्बर २३ पिप्राका २३ वर्षीय अवधेश पटेल रहेको प्रहरीले जनाएको छ।
आफ्ना साथीहरुसँग खेल्दै गरेका जितेन्द्र पटेलका ८ बर्षीय छोरा अभिराज पटेललाई गलबन्दीले हात खुट्टा बाँधी लिएर जादै गर्दा अन्य बच्चाहरुले हल्ला गरेपछी स्थानीयले नियन्त्रणमा लिएर प्रहरीलाई बुझाएका थिए ।
मादक पदार्थ सेवन गरी नशाको तालमा हात खुट्टा बाँधेर अपहरण शैलीमा अन्यत्रै लैजान खोजेको स्थानीयले बताएका छन्।
पक्राउ परेका व्यक्ति लागुऔषध सेवनकर्ता रहेको र नशाको सुरमा बच्चालाई गलबन्दीले बाँधेको बुझिएको तथा थप अनुसन्धान भइरहेको वडा प्रहरी कार्यालय श्रीपुरका प्रहरी निरिक्षक दिनेश गौतमले जानकारी दिए।
