सप्तरी , १२ पुष //
सप्तरीमा एक महिला मृत अवस्थामा फेला परेकी छिन्।
सप्तरीको छिन्नमस्ता गाउँपालिका वडा नम्बर १ की ५० वर्षीय भुटनीदेवी यादवको शव फेला परेको प्रहरीले जनाएको छ।
आइतबार साँझदेखि हराएकी उनि रातिसम्म घर नफर्किपछि उनका आफन्तहरुले खोजीकार्य सुरु गरेको थियो ।
खोजी गर्ने क्रममा आज बिहान भुटनीदेवीको शव मृत अवस्थामा भेटिएको सप्तरीका प्रहरी प्रवक्ता माधवप्रसाद काफ्लेले जानकारी दिए ।
उनका अनुसार उनको टाउकोमा बियरको बोतल प्रहार गरी हत्या भएको देखिएको छ ।
घटना स्थलमा तीन वटा बियरको बोतल मध्ये दुईवटा फुटेको र एउटा फालिएको अवस्थामा फेला परेको उनले बताए।
भुटनिलाई हत्याराहरुले लछार पछार गरि उनले लगाएको नाकको फुली सहित अन्य गरगहना पनि लुटेको पिडितका परिवारजनले जनाएका छन् ।
महिलाको हत्या भएको आशंकाले गर्दा घटनाबारे अनुसन्धानका लागि जनकपुरबाट कुकुरसहितको विशेष टोली मगाइएको प्रहरीले जनाएको छ ।
