पर्सा , २२ मंसिर //
सानो पाईलाको वार्षिकोत्सवको अवसरमा मैत्रीपुर्ण क्रिकेट प्रतियोगिता वीरगञ्जको आदर्शनगर रंगशालामा सम्पन्न भएको छ ।
मंगलबार भएको प्रतियोगितामा सानो पाईलालाई ७ रनले पराजित गर्दै नेपाल पत्रकार महासंघ पर्साले जित हात पारेको छ ।
टस जितेर पहिले व्याटिङ गरेको नेपाल पत्रकार महासंघले निर्धारित १२ ओभरको खेलमा ८ विकेट गुमाउदै ९३ रन बनाएको थियो । ९४ रनको लक्ष्य पछ्याएको सानो पाईला निर्धारित १२ ओभरमा ३ विकेट गुमाउँदै ८७ रनमै समेटिएपछि पत्रकार महासंघ पर्सा विजयी भएको हो । विजयी टिमलाई मेडल र प्रमाण पत्र वितरण गरिएको थियो ।
प्रतियोगितामा नेपाल पत्रकार महासंघ प्रदेश २ का महासचिव श्याम बञ्जारा, पर्सा अध्यक्ष अनुप तिवारी, पूर्व अध्यक्ष शत्रुधन नेपाल लगायत पर्साका सञ्चारकर्मीहरु र सानोपाईलाका कर्मचारीहरुको सहभागिता रहेको थियो ।
