रौतहट , २८ मंसिर //
नेकपा एमालेको आईतबार काठमाण्डौमा बसेको बैठकले चन्द्रनिगाहपुरका उद्धव रेग्मीलाई केन्द्रीय सदस्यमा चयन गरेको छ।
रेग्मी चन्द्रनिगाहपुर गाबिसको अध्यक्ष हुदै सुकुम्बासी समस्या समाधान आयोग रौतहटका अध्यक्ष समेत भैसकेका छन । गत स्थानिय निर्वाचनमा चन्द्रपुर मा थोरै मत ले पछाडी परेका थिए ।
यस भन्दा पहिला चितवन महाधिबेसनबाट उपेन्द्र साह, कुन्दन कुस्वाह लाई केन्द्रीय सदस्य चयन गरेको छ । यस्तै पछिल्लो बैठकले रौतहटका पुर्व मन्त्री प्रभु साहलाई स्थायी समिति सदस्यमा मनोनीत गरेको छ ।नेता साह माओवादी छाडेर नेकपा एमालेमा प्रवेस गरेका हुन्।
यस्तै बैठकले चन्द्रनिगाहपुरकै विद्यार्थी नेता आरती भण्डारीलाई नेकपा एमाले प्रदेश २ को सह सचिवमा चयन गरेको छ। भण्डारी बिगत लामो समय देखी विद्यार्थी राजनितिमा सक्रिय रहँदै आएकी छिन्।
नेकपा एमालेको भातृ संगठन प्रेस चौतारी नेपालको बैठकबाट केन्द्रीय सदस्यमा फणि महत चयन भएका छन्। पत्रकार महत बिगत दुई दसक देखी रौतहटलाई कर्मक्षेत्र बनाएर पत्रकारिता गर्दै आएका छन् ।
सुप्रिम रेडियोका अध्यक्ष समेत रहेका फणि महत सामाजिक कार्यमा पनि सकृय रहदै आएका छन ।