महोत्तरी , २ पुष //
महोत्तरीमा मोटरसाइकल दुर्घटना हुँदा एक युवकको मृत्यु भएको छ ।
मृत्यु हुनेमा महोत्तरीको भंगहा नगरपालिका– ६ जमुनियाँका २८ वर्षीय मुबारक अन्सारी रहेका छन्।
गएराती भंगहा नगरपालिका– ६ जमुनियाँ गाउँमा ना १७ प ७०८२ नम्बरको मोटरसाइकल अनियन्त्रित भई दुर्घटना हुँदा मुबारकको टाउकोमा गम्भीर चोट लागेको थियो ।
महोत्तरीका प्रहरी प्रमुख प्रकाश विष्टका अनुसार सोही स्थानका २५ वर्षीय दिपेश चौधरीले चलाएका मोटरसाइकलमा पछाडि सवार भएको अन्सारी गम्भीर घाइते भएका थिए ।
घाइते अन्सारीलाई उपचारका लागि जनकपुरस्थित जानकी हेल्थ केयर अस्पतालमा ल्याएपनि उपचारकै क्रममा गएराति साढे १० बजेको समयमा मृत्यु भएको विष्टले जानकारी दिएका छन्।
दुर्घटना पश्चात् फरार भएको मोटरसाइकल चालक चौधरीको खोजी भइरहेको जिल्ला प्रहरी कार्यालय महोत्तरीले जनाएको छ ।
