रौतहट , ४ मंसिर //
रौतहटको चन्द्रपुरमा ट्रक र भ्यान एक आपसमा ठोक्किंदा सात जना घाइते भएका छन्।
आइतबार बिहान करिब ८ :४५ बजेको समयमा हेटौडाबाट जनकपुर तर्फ़ जाँदै गरेको ना ५ ख ८३८९ नम्वरको ट्रक र बिपरित दिशाबाट आउदै गरेको को १ च ६६२८ नम्वरको भ्यान एक आपसमा ठोक्किंदा सात जना घाइते भएको प्रहरीले जनाएको छ।
घाइते हुनेहरुमा भ्यान चालक मोरंग को सुन्बर्चा गाउपालिका बस्ने ३६ वर्षीय महलाल राजबंशी , सोहि स्थानका ३६ वर्षीय बिनोद कुमार बौधा को चन्द्रपुर अस्पतालमा उपचार भैरहेको छ।
यस्तै सोहि ठाउका ३२ वर्षीय श्याम सुन्दर यादव , ३५ वर्षीय रुद्र पोख्रेल , मोरंगको जोआदा गाउपालिका ४ बस्ने ३४ वर्षीय नरेश साह र मोरंगको रतुमाइ ७ बस्ने २८ वर्षीय बबिन भण्डारीको सिभिल अस्पतालमा सामान्य उपचार भईरहेको जिल्ला ट्राफिक प्रहरी कार्यालय रौतहटले जानकारी दिएको छ।
महलाल राजवंशीको टाउको ,दाहिने हात र दाहिने खुट्टामा चोट लागेको र अन्यको अवस्था सामान्य रहेको जिल्ला ट्राफिक प्रहरी कार्यालय रौतहटका प्रमुख प्रहरी निरिक्षक ज्ञान बहादुर माझीले बताएका छन्।
घटना सम्बन्धमा थप अनुसन्धान भैरहेको उनले जानकारी दिएका छन्।
चन्द्रपुरमा ट्रक र भ्यान एक आपसमा ठोक्किंदा सात जना घाइते
